नेकपा एमालेका सचिब तथा प्रचार बिभाग प्रमुख योगेश भट्टराइले नेकपा एमालेले शुरु गरेको मेची महाकाली अभियान कुनै छापामार शैलीमा र लुकीछिपि गरिएको कार्यक्रम नभएर पूर्व घोषित कार्यक्रम भएकाले यसको अवरोध गर्न
खोजे त्यो क्षम्य नहुने चेतावनी दिएकाछन् ।
झापाको दमकमा पत्रकार सम्मेलन गरेर भट्टराइले एमालेको पूर्व निर्धारीत कार्यक्रम नरोकिने र कार्यतालिका अनुसार तोके अनुसारको स्थानमा नै गर्ने जनाए । उनले प्रमुख बिपक्षीदलको कार्यक्रम भएकाले सुरक्षाको जिम्मा राज्यको भन्दै आफूहरु त्यहाँ जसरी पनि कार्यक्रम गर्ने बताए ।
कोहि संग डराएर एमाले नभाग्ने र जस्तो सुकै अवस्थामा पनि अघि बढ्न सक्ने साहस र धैर्यता एमालेमा रहेको जनाउदै उनले भने–‘’एमालेका अगाडि कसैको केहि लाग्दैन, त्यहाँ जब हामी पुग्छौ सबै प्रकारका अवरोध, बन्द, हड्ताल आफै खुल्छन् र जनताले राहतको अनुभुत गर्न पाउनेछन् ।’ भट्टराइले मधेशी मोर्चा लगायतका आफूलाइ राजनीतिक दल बताउनेहरुले राजनीतिक संस्कार र पद्धती बुझ्नु पर्ने भन्दै नबुझे एमालेले बुझाउने दाबी गरे ।
आफूहरुको कार्यक्रम राजनीतिक मात्र नभएर सामाजिक तथा सास्कृतिक रुपाण्तरणको पनि भएको भन्दै उनले भने–‘यसलाइ जसले रोक्न खोज्छ उसकै लागि घातक हुन्छ र यो एमालेले स्वीकार गर्न सक्दैन ।’ भट्टराइले मानव अधिकार आयोग लगायतका स्वतन्त्र संस्थाहरुलाइ यस कार्यक्रमको पर्यवेक्षण गर्न तथा जनताबिरोधी भए त्यसबारे हेरेर भन्न आग्रह गरे । उनले भने–‘हामी जन बिरोधी, मधेशी बिरोधी होइनौ तर हामी मधेशी मोर्चाले सारेका असंबैधानिक र राष्ट्रिय हित बिपरितका बिषयहरुको बिरोधी हौ ।’
प्रतिक्रिया
सम्बन्धित खवर
