आजभोली नेपाली दर्शकहरुले सर्ट(छोटो) फिल्महरु अत्याधिक रुचाउने गरेको पाईन्छ। छोटो तथा राम्रो हुने भएकोले नै होला दर्शकहरुको यस्ता फिल्महरु प्रति चासो बढेको । त्यसैले अहिले यस्ता चलचित्रहरुको निर्माण पनि बढेको छ। यस्ता चलचित्रहरुमा पुराना तथा नाम चलेका कलाकारको पनि मोह बढदो छ भने नयाँ कलाकाहरुलाई पनि एउटा अवसर हुने गरेको छ।
त्यस्तै एउटा लभ स्टोरीको कथा बोल्ने छोटो चलचित्र सार्वजनिक भएको छ। ‘ब्लाईन्ड लभ’ नाम गरेको चलचित्रलाई चन्द्र सुर्य ईन्टरटेनमेन्टले बजारमा ल्याएको हो। मनोज खत्रीको कथा रहेको यो चलचित्रमा रुद्राक्ष लिम्बु,सुसानी राई,पुजा चम्लागाई,टिका बिष्ट ,मोती दाहाल लगायतका कलाकारहरुको मुख्य भुमिका रहेको छ। यस चलचित्रको छायाँकन र सम्पादन मोती दाहालले गरेका हुन साथै क्रिउ सुबास अधिकारिले सम्हालेका छन भने यसको निर्देशन मनोज आफैले गरेका हुन्। यसको निर्माण रुद्राक्ष लिम्बुले गरेका हुन्।
कथा राम्रो रहेकोले यसको निर्माण गर्न र अभिनय गर्न ईच्छा जागेको निर्माता रुद्राक्षले बताएका छन्। त्यस्तै आफुले मिहेनतका साथ काम गरेकाले भिडियो राम्रो बनेको निर्देशक मनोज खत्रीले बताए।
हेर्नुहोस पुरा भिडियोः
