काठमाडौं/ आज बिहिबार नेपाली बजारमा सुनको भाउ घटेको छ । हिजो बुधबार छापावाल सुन प्रतितोला ७१ हजार २ सय रुपैयाँमा कारोबार भएको थियो भने आज बिहिबार रु २०० ले घटेर ७१ हजारमा कारोबार भइरहेको नेपाल सुनचाँदी व्यवसायी महासंघले जनाएको छ ।
बिहिबार तेजावी सुन ७० हजार ७ सय रुपैयाँमा कारोबार भइरहेको छ । तेजावी सुन बुधबार ७० हजार ९ सयमा कारोबार भएको थियो ।
त्यस्तै आज चादीको भाउ पनि घटेको छ ।आज बिहिबार चादी प्रतितोला ८५० मा कारोबार भइरहेको महासंघले जनाएको छ । चाँदी बुधवार प्रतितोला ८ सय ५५ रुपैयाँमा कारोबार भएको थियो ।
