माओवदाी केन्द्रले प्रधानमन्त्री पुष्पकमल दाहाल प्रचण्डले पदबाट राजीनमा नदिने स्पष्ट गरेको छ । सत्तारुढ तेस्रो ठुलो दल राप्रपाले सरकार छाड्ने भएपछि बहुमत गुमेकाले प्रधानमन्त्रीले राजीनामा दिने चर्चा चलेपछि माओवादी केन्द्रले राजीनामा नदिने स्पष्ट गरेको हो । सत्तारुढ कांग्रेस र माओवादीले प्रधानन्यायाधीश सुशीला कार्कीविरुद्ध संसद सचिवालयमा महाअभियोग प्रस्ताव दर्ता गरेपछि असन्तुष्ट बनेको राप्रपा आज सरकारबाट बाहिरिँदै छ । माओवादी प्रवक्ता पम्फा भुसालले प्रधानमन्त्रीले राजीनामा दिने चर्चा निराधार भएको बताइन ।
उनले संसदमा सरकारको बहुमत कायमै रहेको दाबी गरिन् । ‘प्रधानमन्त्रीसँग संसदमा बहुमत छ’ उनले भनिन, ‘सरकार छाड्नुपर्ने अवस्था छैन, छाड्ने पनि होइन ।’
