नेकपा एमालेको तर्फबाट झापाको दमकको मेयरको उम्मेदवार रोमनाथ ओली हुने निश्चित भएको छ । नेकपा एमाले जिल्ला कमिटिले ओलीको नाम सर्वसम्मत रुपमा अनुमोदनका लागि प्रदेश कमिटिमा सिफारीस गरेकाले निश्चित बनेको श्रोतको भनाइ रहेको छ । यद्यपि यसको औपचारिक पुष्टाइ भने भइसकेको छैन । श्रोतका अनुसार एकजनाको मात्र नाम मेयरका लागि प्रदेशमा सिफारीस भएकाले ओली नै दमकको मेयरका उम्मेदवार बन्ने ढोका खुलेको छ । उपमेयरको भने अझै निश्चित भइनसकेको बताइन्छ । आजै सर्वसम्मत भएकाहरुको नाम बेलुका सम्ममा सार्वजनिक हुने र बाँकी सचिबलालयले निर्णय गर्ने श्रोतको भनाइ छ ।  ओली दमक नगरपालिकाका पूर्व मेयर हुन् । सामाजिक र राजनीतिक रुपमा स्वचछ र सादकी जिबन जिउने पात्रको रुपमा चिनिन्छन् । दमकको मेची सहकारी संस्थाको अध्यक्ष पनि रहेकाछन् । निरन्तर रुपमा सामाजिक र राजनीतिक रुपमा सक्रिय रहेका उनको उम्मेदवारीले दमकमा अब चुनावी रौनक थपिनेछ ।