काठमाडौं । नेपाली काँग्रेसका नेता प्रकाशमान सिंहले केपी ओली नेतृत्वको सरकारको जनताले विदा गर्ने दिन आएको बताएका छन् । नेपाली काँग्रेस जिल्ला पार्टी कार्यलय नुवाकोटको भवन उद्घाटन कार्यक्रममा नेता सिंहले नेपाल कम्युनिस्ट पार्टी सत्ता सञ्चालनमा असफल भएकाले नेकपा र ओली सरकारको जनताले विदा गर्ने दिन आएको बताएका हुन् ।
उनले भने, ‘नेकपा सत्ता सञ्चालनमा असफल भयो । अब नेकपा र ओली सरकारको जनताले बिदा गर्ने दिन आएको छ । र जनताले विदा पनि गर्छन् ।’ नेता सिंहले ओलीले संसद विघटन संविधान अनुसार नभई राजनैतिक निर्णय गरेको बताएकाले यसबाट ओली आफैले असंवैधानिक कदम उठाएको स्वीकार गरेको बताए ।
पटक–पटक मौका पाए पनि कम्युनिस्टहरु सफल हुन नसकेको भन्दै इतिहासमा काँग्रेसले सँधै जनताको कार्य गरेको र अझै पनि काँग्रेस जनताको सेवा गर्न सँधै तयार रहेको बताए ।
