केपी शर्मा ओलीले नेतृत्व गरेको नेकपाको समूहले बिहीवारको लागि बोलाएको स्थायी कमिटी स्थगित भएको जनाएको छ ।बुधवारदेखि शुरू भएको बैठक बिहीवार बिहान बस्ने तयारी थियो ।तर बिहीवारको बैठक स्थगित भएको बालुवाटार स्रोतले जानकारी दिएको छ ।बुधवारको बैठक प्रधानमन्त्रीनिवास बालुवाटारमा ओलीको अध्यक्षतामा बसेको थियो ।बैठकमा उपप्रधानमन्त्री इश्वर पोखरेल, गृहमन्त्री राम बहादुर थापा, परराष्ट्रमन्त्री प्रदिपकुमार ज्ञवाली, अर्थमन्त्री विष्णु पौडेल, उर्जा मन्त्री टोपबहादुर रायमाझी , खानेपानी मन्त्री मणिचन्द्र थापा, संसदीय दलका उपनेता सुवासचन्द्र नेम्वाङ, शंकर पोखरेल, विष्णु रिमाल लगायत नेताहरूको उपस्थित थियो ।बैठकमा सर्वोच्च अदालतले गरेको फैसला अनपेक्षित भएपनि स्वागत गर्ने निर्णय भएको थियो ।प्रधानमन्त्रीले राजीनामा दिने कि नदिने भन्ने विषयमा दलहरुसँग परामर्श गर्ने लगायतका विषयमा छलफल भएको प्रवक्ता प्रदीप ज्ञवालीले जानकारी दिएका थिए ।