भक्तपुर- वाम बुद्धिजीवी एवम् वरिष्ठ समालोचक प्राध्यापक माणिकलाल श्रेष्ठको अन्त्येष्टि बिहीबार काठमाडौंको शोभा भगवती कर्णदीपमा भयो । दिवंगत प्राध्यापक माणिकलाल श्रेष्ठको पार्थिव शरीरमा नेमकिपाका सचिव एवम् संघीय सांसद प्रेम सुवाल, नेमकिपाका केन्द्रीय सदस्य एवम् भक्तपुर नगरपालिकाका प्रमुख सुनिल प्रजापतिलगायत वडाध्यक्ष, प्राध्यापकलगायतले श्रद्धाञ्जली अर्पण गरे ।

त्यसैगरी प्रा. श्रेष्ठलाई श्रद्धाञ्जलीका लागि विभिन्न राजनीतिक दलका नेताहरु, पूर्वसभामुख, बुद्धिजीवी, शिक्षक, विद्यार्थी, आफन्तजनलगायत शोभा भगवती पुगेका थिए । लामो समयदेखि मृगौला र मुटु रोगबाट पीडित श्रेष्ठको निधन ८९ वर्षकोउमेरमा उपचारको क्रममा सहिद गंगालाल हृदयरोग केन्द्रमा २०७७ साल चैत्र ३ गते भएको थियो भने बिहीबार परम्पराअनुसार उनको पार्थिव शरीरलाई अन्त्येष्टि गरिएको थियो ।