रामेछाप – रामेछापको दोरम्बा गाउँपालिका-७ दोब्लामा रहेकाे खरपाखामा लागेको आगो निभाउन जाने क्रममा गएराति भिरबाट लडेर एक वृद्धको ज्यान गएको छ ।
भिरबाट लडेर ७० वर्षीय प्रभुलाल श्रेष्ठको ज्यान गएको हो । गएराति खरबारीमा आगलागी भएपछि निभाउन गएका उनी भिरबाट लडेर करिब १ सय मिटर तल पुगेका थिए ।
स्थानीयहरुले उद्धार गरि एम्बुलेन्समार्फत काठमाण्डौ लैजाने क्रममा उनकाे बाटाेमै ज्यान गएको जिल्ला प्रहरी कार्यालय रामेछापका प्रवक्ता श्रीशंकर श्रेष्ठले जानकारी दिनुभयाे।
मृतकको शव पोष्टमार्टमका लागि जिल्ला सदरमुकाम मन्थली ल्याइँदै गरेको पनि प्रहरीले जनाएको छ ।
