काभ्रेपलाञ्चोक । काभ्रेपलाञ्चोकको बेथानचोकमा दुर्लभ सेतो मृग फेला परेको छ ।
गाउँपालिकाको वडा नम्बर २ ढुंखर्कको जंगलमा स्थानीयले सेतो मृग फेला पारेका हुन् ।
निख्खर सेतो रंगको मृग माउले छाडेर अलपत्र परेको अवस्थामा स्थानीय धिरज घिमिरेले भेट्नुभएको थियो । आइतबार घिमिरेले सेतो मृग च्याम्राङबेशी ढुंखर्क प्रहरी चौकीका प्रमुख हरेराम पराजुलीलाई हस्तान्तरण गर्नुभएको थियो ।
उक्त दुर्लभ मृग जाउलाखेलस्थित सदर चिडियाखानामा पठाइएको छ।
बेथानचोक गाउपालिकाका प्रशासकिय अधिकृत राजेन्द्र भण्डारी वडा नम्बर २ का अध्यक्ष भगवान घिमिरेलगायतको उपस्थितिमा चिडियाखानाका प्रतिनिधिलाई मृग हस्तान्तरण गरिएको थियो ।
