सत्ता पक्षका प्रमुख तीन संसदीय दलका मुख्य नेताहरुबीच मन्त्रिपरिषद् बिस्तारका विषयमा छलफल भइरहेको छ । प्रधानमन्त्री तथा कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालबीच छलफल भइरहेको हो । प्रधानमन्त्री निवास बालुवाटरमा बसेको बैठकमा मन्त्रिपरिषद् बिस्तारको विषयमा छलफल भइरहेको हो। मन्त्रिपरिषद् बिस्तार गर्नुअघि दल विभाजन सम्बन्धी अध्यादेश खारेज गर्ने तयारी रहेको नेकपा समाजवादीका अध्यक्ष नेपाल निकट एक नेताले बताएका छन् । नेकपा समाजवादी पनि सरकारमा जाने तयारीमा छ।
