आज सोमबार नेपाली बजारमा सुनको मूल्य बढेको छ ।
हिजो आइतबार प्रतितोला ९० हजार ३०० रुपैयाँमा कारोबार भएको सुनको मूल्य आज प्रतितोला ९० हजार ६०० रुपैयाँमा कारोबार हुने नेपाल सुनचाँदी व्यावसायी महासङ्घले जनाएको छ ।
आइतबारको तुलनामा आज सोमबर सुनको मूल्य ३०० रुपैयाँले बढेको हो । महासङ्घका अनुसार आज तेजाबी सुनको मूल्य प्रतितोला ९० हजार १०० रुपैयाँ रहेको छ । यस्तै चाँदीको मूल्य पनि बढेको छ ।
हिजो प्रतितोला १ हजार १९५ रुपैयाँमा कारोबार भएको चाँदी आज आइतबार ५ रुपैयाँले बढेर एक हजार २०० रुपैयाँमा कारोबार हुने महासङ्घले जनाएको छ ।
