अहिले एकपछि अर्को गर्दै फटाफट बिभिन्न कम्पनीका प्राथमिक शेयर ९ आईपीओ आईरहेका छन् । यो लगानीकर्ताका लागि राम्रो अवसर हो ।
यसैबीच आईपीओ निष्कासनका लागि रिलायबल लाइफ इन्स्योरेन्स लिमिटेडले प्रक्रिया अगाडि बढाएको छ । १ अर्ब २७ करोड २० लाख रुपैयाँबराबरको आईपीओ निष्कासनको रिलायबल लाइफ इन्स्योरेन्सले प्रक्रिया अगाडि बढाएको हो ।
प्रिमियम मूल्यमा आईपीओ निष्काशनको अनुमति माग गर्दै रिलायबल नेपालले नेपाल धितोपत्र बोर्डमा आवेदन दिएको छ । अंकित मूल्य १०० मा ११२ रुपैयाँ प्रिमियम थपेर प्रति कित्ता २१२ रुपैयाँमा कम्पनीले आईपिओ निष्काशन गर्नको लागि अनुमति माग गरेको हो ।
सर्वसाधरणलाई ६० लाख कित्ता शेयर निष्काशन गर्नको लागि कम्पनीले अनुमति माग गरेको हो । हाल १ अर्ब ४० करोड रुपैयाँ छ भने कम्पनीको आईपिओ निष्काशनपछि २ अर्ब पुग्ने छ । नेपाल धितोपत्र बोर्डमा आवेदन पेस गरिसकेको हुँदा चाँडै यो आईपीओ निष्काशन हुनेछ।
