कोरोना भाइरसको नयाँ भेरियन्ट ओमिक्रोन विश्वका १५ देशमा फैलिसकेको छ । ४१ बढी देशले ओमिक्रोन भेटिएका मुलुकहरू एवं अफ्रिकी मुलुकहरूबाट यात्रामा प्रतिबन्ध लगाइसकेका छन् । जापान र इजरेलले भने मङ्गलबार (भोलि) देखि सबै देशका नागरिकहरूको आगमनमा रोक लगाएको छ । अमेरिका, क्यानडा, बेलायत जस्ता मुलुकहरूले समेत थुप्रै देशहरूमाथि यात्रामा प्रतिबन्ध लगाउनुका साथै ओमिक्रोन नियन्त्रण गर्न कडाइका साथ लागिसकेका छन् ।