चर्चित लोक गायक बद्री पंगेनी जुवाको खालबाट पक्राउ परेका छन् । प्रहरीले मंगलबार राति करिब ८ बजेतिर पंगेनीसहित ११ जनालाई काठमाडौंको बाँसबारीमा लक्ष्मी गुरुङले सञ्चालन गरेको जुवाखालबाट नियन्त्रणमा लिएको हो ।
लामो समयदेखि मिनी क्यासिनोका रुपमा गुरुङले खेलाउँदै आएको जुवा खालमा गायक पंगेनीसहित ११ जनालाई २ लाख नगद रुपैयाँसहित महानगरीय प्रहरी वृत्त महाराजगन्जको प्रहरी टोलीले नियन्त्रणमा लिएको हो ।
“जुवा खेलाउँदै गरेको गुनासो आएपछि हामीले छापा उनीहरुलाई फेला पारेर समातेका हौं,” वृत्तका प्रमुख डीएसपी गोविन्द पन्थीले बताए । पक्राउ परेका ११ जनालाई थप कारबाहीका लागि जिल्ला प्रशासन कार्यालयमा बुझाएको डीएसपी पन्थीले जानकारी दिए ।
