साउन ५ । दाङको तुलसीपुरस्थित मतदान केन्द्रमा राखिएको बम समातेर फाली चर्चामा आएका प्रहरी हवल्दार दुर्गाबहादुर रानालाई प्रहरी प्रधान कार्यालयले असईमा बढुवा गरेको छ ।
गृहमन्त्री जनार्दन शर्माको निर्देशनमा रानालाई बढुवा गरिएको हो । रानालाई असईमा बढुवा गरिएको प्रहरीका प्रवक्ता सर्वेन्द्र खनालले पुष्टि गरे ।
रानाले स्थानीय तहको दोस्रो चरणको चुनावमा तुलसीपुरस्थित मतदान केन्द्रमा राखिएको बम समातेर फ्याँक्दै सम्भावित मानवीय क्षति हुनबाट रोकेका थिए । उनको उक्त साहसी कामको गृहमन्त्री शर्माले प्रशंसा गरेका थिए ।
