काठमाडौ, ६ कात्तिक । नेकपा माओवादी केन्द्रले अख्तियार प्रमुख लोकमान सिंह कार्कीविरुद्ध संसदमा दर्ता भएको महाअभियोगबारे निर्णय गर्ने अधिकार पार्टी अध्यक्ष एवं प्रधानमन्त्री पुष्पबमल दाहाललाई दिने निर्णय गरेको छ । सरकारको नेतृत्व गरिरहेको दल माओवादी केन्द्रको आज प्रचण्ड निवासमा बसेको हेडक्वाटर बैठकले महाअभियोग प्रस्तावमा विभिन्न पक्षसँग समन्वय गरी अगाडि बढ्न आवश्यक निर्णय लिने अधिकार पार्टी अध्यक्ष तथा दल नेता प्रचण्डलाई दिने निर्णय गरेको हो ।