विर्तामोड । निर्वाचन क्षेत्र निर्धारण आयोगले झापालाई पाँच वटा निर्वाचन क्षेत्र बनाउने तयारी गरेको बुझिएको छ । जिल्लाको संरचनाको संदर्भमा झापाको प्रतिनिधित्व गर्ने केन्द्रीय नेताले पाँच वटा निर्वाचन क्षेत्र बनाउने गरीको तयारी गरिरहेको जनाइएको छ ।
राज्यको पुनसंरचना भएपछि झापाको निर्वाचन क्षेत्रसमेत परिवर्तन हुने भएको छ । अहिलेसम्मको तयारी अनुसार क्षेत्र नं.१ मा मेचीनगर नगरपालिका,बुद्धशान्ति गाउँपालिकाको वार्ड नं.४,५,६,७ र भद्रपुर नगरपालिकाको ९ र १० लाई मिलाइएको छ ।
यस्तै बुद्धशान्तिको १,२,३,अर्जुनधारा नगरपालिका र कनकाई नगरपालिकाको ८,९ वार्डलाई मिलाएर क्षेत्र नं.२ बनाइएको बुझिएको छ ।
यसैगरी भद्रपुरको १ देखि ८ सम्म,कचनकवल गाउँपालिका,बाह्रदशी गाउँपालिका,हल्दिबारी गाउँपालिका र विर्तामोड १० लाई निर्वाचन क्षेत्र नं. ३ बनाइने तयारी भइरहेको छ । क्षेत्र नं. ४ मा कनकाई १ देखि ७ सम्म,झापा गाउँपालिका,शिवसताक्षी नगरपालिका,गौरिगञ्ज गाउँपालिका १,२ र गौरादहको ९ नं. वार्ड राखिएको बताइएको छ ।
दमक नगरपालिका,कमल गाउँपालिका,गौरादह १ देखि ८ सम्म र गौरिगञ्जको ३,४,५,६ मिलाएर क्षेत्र नम्बर बनाउने निर्वाचन क्षेत्र निर्धारण आयोगले तयारी गरेको छ ।
जनसंख्याको आधारमा बनाइने निर्वाचन क्षेत्रमा झापाको संरचना सार्वजनिक गर्न भने बाँकी रहेको नेताहरले जानकारी दिएका छन् । निर्वाचन क्षेत्र परिवर्तन हुदैन,एमाले झापाका अध्यक्ष चिन्तन पाठकले भने–सिमा परिवर्ता भने हुन सक्छ ।इजालस दैनिकबाट
