नेकपा एमालेका अध्यक्ष केपी शर्मा ओलीले पहिलो नेपाल आइडल बन्न सफल बुद्ध लामालाई बधाई दिएका छन् ।
एमाले अध्यक्ष ओलीले सामाजिक सञ्जाल ट्वीटरबाट नेपाल आइडल छानिएका बुद्धलाई बधाइ दिँदै भनेका छन्,‘नेपाल आइडल बुद्ध लामालाई बधाई । उपाधी नजिते पनि प्रतिस्पर्धामा उत्कृष्ट हुनुभएका सबै हाम्रो आइडल हुनुहुन्छ । उज्जवल भविष्यको कामना ।’
चर्चित रियालिटी शो नेपाल आइडलको हिजो राति कतारमा सम्पन्न ग्रयाण्ड फिनालेबाट बुद्ध लामा नेपाल आइडल घोषित भएका हुन् । दोस्रो स्थानमा निशान भट्टराई रहे भने तेस्रो प्रताप दास बन्न सफल भए ।
बुद्ध लामाले २० लाख रुपैयाँ नगद, महिन्द्रा केयूभी १०० कार र १५ लाख रुपैयाँ बराबरको एल्बम कन्ट्र्याक्ट प्राप्त गरेका छन्। योसँगै एक वर्षका लागि उनी एपी वानसित अनुबन्धित हुनेछन्।
फस्ट रनरअप मोरङका निशान भट्टराई ले १५ लाख रुपैयाँ र सेकेन्ड रनरअप ललितपुरका प्रताप दासले १० लाख रुपैयाँ पुरस्कार पाए।
