नेपाली काँग्रेसका नेता नरेन्द्र खड्काले काँग्रेस परित्याग गर्नु भएको छ । झापा धुलाबारी निवासी खड्काले नेपाली काँग्रेस लोकतन्त्र, राष्ट्रियता र समाजबादको सिद्धान्तबाट स्खलित भएकाले आफुले काँग्रेसको साधारण सदस्य समेत नरहने गरी पार्टी परित्याग गरेको आज प्रेस बिज्ञप्ती जारी गरी जानकारी गराउनु भएको छ ।
खड्काले बिज्ञप्ती मार्फत बिकृती, बिसंगती र बेथितीको आहालमा नेपाली काँग्रेस डुबिरहेकाले त्यस्तो अवस्थामा आफुलाई पार्टीमा बसिरहन ईच्छा नभएकाले काँग्रेस पार्टीको सबै जिम्मेवारीबाट आजकै मितिबाट राजीनामा गरेको बताउनु भएको छ ।
नेपाल उद्योग वाणिज्य संघका प्रदेश नं. १ का अध्यक्ष समेत रहनु भएका खड्काले यस अघि नेपाली काँग्रेसको युवा संगठन नेपाल तरुण दलको जिल्ला सभापति, नेपाली काँग्रेस झापा क्षेत्र नं. १ को उपसभापति समेत जिम्बेवारी सम्हाली सक्नु भएको थियो ।
मेची उद्योग वाणिज्य संघ मेचीनगरको पुर्व अध्यक्ष समेत रहनु भएका खड्काले आगामी दिनमा स्वतन्त्र नागरिकको रुपमा राष्ट्रको सेवामा लाग्ने बिज्ञप्तीमा उल्लेख गर्नु भएको छ । खड्का केही समयदेखी नेपाली काँग्रेसका स्थानीय नेतृत्वसंग असन्तुष्ट रहँदै आउनु भएको थियो ।झापाटाइम्सबाट
