माघ २४ गतेका लागि निर्धारित राष्ट्रियसभा निर्वाचन हुनुअघि नै १२ जना महिला निर्विरोध विजयी भएका छन्। त्यस्तै, एक दलित र एक अपांग/अल्पसंख्यक समेत निर्विरोध निर्वाचित भएका छन्।

राष्ट्रियसभाका लागि प्रत्येक प्रदेशबाट ३ जना महिला निर्वाचित हुनुपर्ने संवैधानिक व्यवस्था छ भने एक जना दलित र एक जना अपांगता भएका व्यक्ति वा अल्पसंख्यक निर्वाचित हुनुपर्ने प्रावधान छ।

तर, प्रदेश २ मा १ जना दलित र १ जना अपांग/अल्पसंख्यकको मात्रै उम्मेदवारी परेको छ।

निर्विरोध निर्वाचित हुने महिला उम्मेदवारहरुः

प्रदेश १
नैनकला ओझा (एमाले)
बिना पोखरेल (माओवादी)
सरिता प्रसाईं (कांग्रेस)

प्रदेश २
शशिकला दाहाल (माओवादी)
मुक्ताकुमारी यादव (कांग्रेस)
प्रमिला कुमारी (संघीय समाजवादी फोरम)

प्रदेश ५
कोमल वली (एमाले)
मीना बुढा (एमाले)
अनिता देवकोटा (कांग्रेस)

प्रदेश ७
तारादेवी जोशी (कांग्रेस)
कमला ओली (एमाले)
इन्दु कडेरिया विष्ट (एमाले)

दलित र अल्पसंख्यकबाट निर्वाचित उम्मेदवार:
रामप्रित पासवान (दलित/ संघीय समाजवादी फोरम)
वृषेशचन्द्र लाल (अल्पसंख्यक/ राजपा)

निर्विरोध निर्वाचित भएका उम्मेदवारहरुको विजयको औपचारिक घोषणा भने निर्वाचन आयोगले माघ १५ गते गर्नेछ।