नेकपा एमालेका सचिव योगेश भट्टराई अध्यक्ष केपी शर्मा ओलीले चुनाव अघि घोषणा गरे अनुसार मन्त्री बनाइएका भए यति बेला मन्त्रालयका विभिन्न काममा हुन्थे होला । मन्त्रालयको ब्रिफिङ सुन्ने, कार्ययोजना बनाउने, काम देखाउने मेलोमा उनको दैनिकी बित्थ्यो होला । यो अनुमानको कुरा भयो । तर, प्रधामन्त्री ओलीले उनलाई मन्त्री बनाएनन् ।
सबैले योगेश यो पटकको मन्त्रिमण्डलमा समावेश हुने अनुमान गरेका थिए । त्यो सम्भावना लगभग सकिएको छ । यद्यपी, योगेश जनताका प्रतिनिधि हुन्, जनताको मतबाट निर्वाचित व्यक्ति भएकोले आफ्ना मतदाताप्रति उत्तरदायी त हुनै पर्यो । उनी अहिले गृहजिल्ला ताप्लेजुङमा छन् । खासगरी ताप्लेजुङको पर्यटन विकासका लागि उनी लागिरहेका छन् । पर्यटन विकासका लागि अहिले काठमाडौँ–ताप्लेजुङ् पाथिभरा पदयात्रा पनि चलेको छ ।
यसैबीचमा शनिबार (भोली) नेपालीहरु नयाँ वर्ष मनाउँदैछन् । नयाँ वर्षको अघिल्लो दिन साथिभाई, आफन्त जम्मा हुने र रमाईलो गर्ने चलन पनि छ । कतिपयले वर्षभरी गरेका काममको समिक्षा गर्दै नयाँ योजना पनि बनाउँछन् । शुभकामना साटासाट पनि गर्छन् ।
सामाजिक सञ्जालमा झण्डै एकमहिना अघिदेखि शुभकामना साट्ने काम शुरु भईसकेको छ । तर, एमाले सचिव भट्टराईले भने नयाँ वर्षको अघिल्लो दिन शुक्रबार दिउँसो शुभकामना व्यक्त गरेका छन्, त्यो पनि कुखुराको भालेको फोटो हालेर । भालेको जस्तै सबैको स्वाभिन ठाडो भएको र २०७५ ले शिर अझै ठाडो हुँदै जाओस् भन्ने कामना गरेका छन् ।
‘नयाँबर्षको शुभकामना ताप्लेजुङ्बाट, नेपालको शिर तिरको ताप्लेजुङ्ग जिल्ला’ भन्दै उनले सामाजिक सञ्जालमार्फत व्यक्त गरेको शुभकामनामा भनेका छन्, ‘ताप्लेजुङ्को शिरमा छन कन्चनजङ्गा, कुम्भकर्ण र पाथिभरा, अनि ठाडो शिर गरेको ताप्लेजुङ्को भाले, सबैको स्वाभिमान पनि ठाडो नै छ, नयाँबर्ष २०७५ ले सबैको शिर अझै ठाडो हुँदै जाओस, शुभकामना ।’ दैनिक नेपाल बाट
प्रतिक्रिया
सम्बन्धित खवर
