काठमाडौं । साढे ३३ किलो सुन प्रकरणमा नेपाल प्रहरीका पूर्वडिआईजी गोविन्द निरौला पक्राउ परेका छन् ।

अनुसन्धान गर्न गठित छानबिन समितिले उनलाई आइतबार साँझ पक्राउ गरेको गृह स्रोतले जानकारी गराएको छ । गत २९ चैतमा अवकाश पाएका निरौला विमानस्थल प्रहरी प्रमुख रहेका थिए ।

स्रोतका अनुसार निरौलालाई महानगरीय प्रहरी वृत्त नयाँबानेश्वरको हिरासतमा राखिएको छ। तस्करहरुलाई सहयोग गरेको देखिएपछि उनलाई थुनामा राखिएको हो।