दमक/झापा दमकका पुराना ब्यवसायी एवं सामाजिक अगुवा रोहित आचार्यले पछिल्लो समयमा चर्चामा रहेको सुनकाण्डमा आफ्नो कुनै प्रकारको संलग्नता नरहेको बताएकाछन् । आचार्यले धेरैतिरबाट आफूलाइ फोन आएको जनाए । कोहि रोहित आचार्य हुनसक्ने भन्दै उनले आफू नभएको स्पष्ट पारेकाहुन् ।

बिभिन्न सञ्चारमाध्यममा आएका नामहरुमा रोहित आचार्य आएपछि उनले स्पष्ट पार्दै अरु नै रोहित आचार्य हुनसक्ने र आफू नभएको बताएकाहुन् । उनले सामाजिक सञ्जाल फेसबुकमार्फत नै आफू त्यो रोहित आचार्य नभएको बताएको पाइएको छ ।

उनले सामाजिक सञ्जाल फेसबुकमा स्टाटस लेख्दै भनेकाछन्,म रोहित आचार्य एभरेष्ट प्लाजा र एभरेष्ट फर्निचर दमक propritor, 33kg  सुन तस्करीमा संयोगले मेरो नाम मिल्न गयेको मात्र हो । यसमा मलाई अन्यथा नसोचिदिनु होला। यो तस्करीमा सङ्लग्न हुने रोहित आचार्य अर्कै मान्छे हो।