एजेन्सी – सोनमको विवाह बलिउडका लागि टक अफ द टाउन रह्यो । उनलाई बलिउडमा फेसन डिभाको रुपमा लिइन्छ त्यसैले उनको विवाहको आउटफिटमा मानिसहरुको विशेष रुची रह्यो ।
विवाहमा के लगाउने भन्ने बारे सोनमले निकै समयअघि प्लानिङ गरिरहेको पनि बताइएको छ । विवाहको आउटफिटमा मात्र नभई सोनमले आफ्ना श्रीमानलाई दिने उपहारबारे पनि निकै वर्ष अघिदेखि प्लान गरिरहेकी थिइन् ।
वास्तवमा, १६ वर्ष अघिदेखि उनले यसबारे एक अन्तर्वार्तामा जानकारी दिएकी छिन् । एक कार्यक्रमका बेला ३२ वर्षीया सोनमले आफू १६ वर्षको हुँदा एउटा कविता लेखेको जसलाई आफूले अहिलेसम्म पनि सम्हालेर राखेको जानकारी दिइन् । उनले
अन्तर्वार्तामा भनेकी थिइन्, ‘हुन त मैले थुप्रै कविता लेखेकी छु तर एउटा यस्तो कविता छ जसलाई मैले १६ वर्ष हुँदा लेखेकी थिएँ ।’
‘त्यतिबेला मैले आफैंलाई बचन दिएकी थिएँ कि जब म विवाह गर्नेछु त्यो दिन मेरो जीवनसाथीलाई यो कविता दिनेछु ।
म उनलाई भन्ने छु कि मलाई यस्तो जीवन चाहिन्छ र आशा छ कि हामी दुबै यसलाई मूर्त रुप दिनका लागि काम गर्नेछौं ।’
