दमक । उपराष्ट्रपति नन्दकिशोर पुनले हरेक व्यक्तिलाई प्रेम गर्न सकेमात्र मुलुकमा शान्ति कायम हुने बताएका छन् ।
हेवेन्ली पाथ नेपाल हेड क्वाटरले आज झापाको लखनपुरमा आयोजना गरेको दु:खहरण पूजा कार्यक्रमलाई सम्बोधन गर्दै उपराष्ट्रपति पुनले समाजमा रहेका हरेक समुदायबीच भातृत्व कायम भए मात्र मुलुकमा शान्ति कायम हुने बताएका हुन् ।
मुलुकमा भइरहेको अन्योलको राजनीतिक निकास दिन पनि प्रेम र सद्भावको खाँचो रहेको पुनले सुनाए । उनले सोही अवसरमा मास्टर गड्एन्जलले लेखेको शान्ति अहिंसा सम्बन्धी पुस्तकको विमोचन गरे । हेवेन्ली पाथका केन्द्रीय अध्यक्ष क्याप्टेन खेमहाङ्ग मादेनले शान्ति अहिंसा अहिलेको आवश्यकता भएको बताए ।
नेपाल, भारत, भुटान, थाइल्याण्ड, युके र सिंगापुरलगायतका देशबाट आएका झनका माझ विभिन्न धर्मावलम्बीका गुरुहरुले सामुहिकरुपमा सर्वधर्म पूजा गरी आआफनो धर्मको मन्त्र जपेर शान्तिको कामना गरेका थिए ।
सर्वधर्म पूजामा हिन्दू, बुद्ध, मुस्लिम, इसाई, किरातलगायतका धर्मका गुरु सहभागी रहेको कार्यक्रम आयोजक संस्थाका महासचिव प्रेम राईले बताए ।
कार्यक्रममा मास्टर गड्एन्जलले धार्मिक प्रवचन दिएका थिए । कार्यक्रममा ७० हजारभन्दा बढी झनको सहभागिता रहेको आयोजकले जनाएको छ ।
साझामन्च बाट सभार
प्रतिक्रिया
सम्बन्धित खवर
