११ माघ । नेकपा (एमाले)का अध्यक्ष एवं पूर्वप्रधानमन्त्री केपी शर्मा ओलीले अमेरिकाका राष्ट्रपति डोनाल्ड ट्रम्पलाई बधाई तथा सफल कार्यकालका लागि शुभकामना सन्देश पठाएका छन् । सन्देशमा अध्यक्ष ओलीले सन् १९४८ मा कुटनीतिक सम्बन्ध स्थापना भएयता नेपाल र अमेरिकाबीच लोकतन्त्र, स्वतन्त्रता र मानव अधिकारका मूल्यमान्यताबीच साझा अवधारणा रहँदै आएको बताएका छन् । नेपालको आर्थिक विकासमा अमेरिकाले पु¥याउँदै आएको विविध सहयोगको स्मरण गर्दै उनले आगामी दिनमा पनि यस्तो सहयोग जारी रहने अपेक्षा व्यक्त गरेका छन् । उनले आफू उपप्रधान तथा परराष्ट्र मन्त्री हुँदा समकक्षी कोन्डोलिजा राइससँग मिलेर भुटानी शरणार्थी समस्यालगायत विविध बिषयमा गरेको सहकार्यको पनि स्मरण गरेका छन् । ट्रम्पले बाराक ओबामालाई विस्थापित गर्दै हालै राष्ट्रपतिको कार्यभार सम्हालेका छन् ।