नेपाली फिल्मको गीतमा आइटम डान्सको लागि छानिएकी बलिउड अभिनेत्री सनी लियोलीले खुसी व्यक्त गरेकी छिन् । उनले एक ट्वीट गर्दै आफू यो आइटम नम्बरमा हुन पाएकोमा निकै खुसी भएको बताएकी छिन् । सनीको यो आइटम डान्स आगामी नेपाली फिल्म पासवर्डमा हुनेछ ।
सनीले ट्वीट गर्दै लेखेकी छिन् ‘म आउँदै गरेको बहुप्रतिक्षित नेपाली फिल्म पासवर्डको यो डान्स नम्बरको हिस्सा हुन पाएकोमा निकै खुसी छु ।’ यो फिल्मलाई एबी इन्टरनेशनल र अडबल मोसन पिक्चर्सले निर्माण गर्दैछन् ।
