दमक : दमक ३ स्थित भुटानी शरणार्थी शिविरमा आइतबार साँझ आगलागी भएको छ।
आगलागीबाट ७ ओटा टहरा जलेर नष्ट भएका छन् भने बाँकी ५ ओटा आगो नियन्त्रणका क्रममा भत्काइएको छ। बेलडाँगी २ सेक्टर बी ४ की अनिता राईको छाप्राबाट आगलागी शुरु भएको जनाइएको छ।
विज्ञापन (ADVERTISEMENT)
आगलागीका क्रममा २० लाख रुपैयाँ बराबरको क्षति भएको प्रारम्भिक अनुमान गरिएको इलाका प्रहरी कार्यालय दमकका प्रहरी निरीक्षण खगेन्द्र एक्तेनले जानकारी दिएका छन्।
