छुटनुहोला है आउन दमकमा शुरु भयो फूडफेस्टिवल

दमक/झापाको दमकमा तेश्रो फूड फेस्टिवल शुरु भएको छ । झापाका प्रमुख जिल्ला अधिकारी उत्तरकुमार खत्रीले बिहिबार एक कार्यक्रमबीच फूड फेस्टिवलको उद्घाटन गरेकाहुन् । होटल ब्यवसायि संघ क्षेत्रिय समितिको आयोजनामा शुरु भएको फूड फेस्टिवलमा ५० भन्दा बढि स्टलहरु रहेकाछन् । फेस्टिवलको उद्घाटन गर्दै खत्रीले यस प्रकारका कार्यक्रमहरुले आन्तरिक पर्यटन प्रवद्र्धन गर्ने बताए । होटल ब्यवसायि संघ दमकका अध्यक्ष राजन दंगालका अनुसार २५ देखि ३० लाखको कारोबार हुने र ३० हजारले अवलोकन गर्ने लक्ष्य लिइएको छ । प्रत्येक बर्ष लाग्दै आएको फेस्टिवलभन्दा यो ब्यवस्थित र तयारीका साथ गरिएको समेत दंगालले बताए । फेस्टिवल मूल संयोजक सुधिर प्रधानका अनुसार फूडफेस्टिवलसंगै सास्कृतिक कार्यक्रमहरु समेत गरिने छ ।. दमकको आन्तरिक पर्यटनको प्रवद्र्धनसंगै यहाँका पर्यटकीय क्षेत्रहरुको प्रवद्र्धन गर्ने पनि आफूहरुको उदेश्य रहेको उनको भनाइ रहेको छ । दमकका आकाशेपूल नजिकै महोत्सवको ब्यवस्थापन गरिएको छ । महोत्सव उद्घाटन शत्रमा सन्त किरातीले स्वागत मन्तब्य दिएको कार्यक्रममा उद्योग बाणिज्य संघ दमकका अध्यक्ष राजेन्द्र ढकाल, शशस्त्र प्रहरी बल पाथिभरा गणका गणपती प्रेमकुमार पोखरेल लगायतको उपस्थिति रहेको थियो ।