दमक/दमक बहुमुखी क्याम्पसको स्ववियु निर्वाचनको माहोल तातेको छ । कडा सुरक्षाबीच प्रमु्ख तीन वटा संगठनले उम्मेदवारी दर्ता गराएसंगै क्याम्पसमा चुनावी रौनक शुरु भएको छ । शुक्रवार निर्वाचन समितिको कार्यालयमा नेपाल विद्यार्थी संघ, अनेरास्ववियु र अखिल क्रान्तिकारीले प्यानल सहित उम्मेदवारी दर्ता गराएकाहुन् ।
नेविसंघले स्ववियु सभापतिमा विनोद चापागाई, सचिवमा मिन्टु दुलाल, कोषाध्यक्षमा उज्जवल प्रकाश खतिवडालाई अघि सारेको छ । सदस्यहरुमा लेला सिटौला, मुकेश राजवंशी, द्रोणप्रसाद दाहाल, सन्तोष खतिवडा, दिवश बास्कोटा, दिपेश उप्रेती र धनु राईको उम्मेद्वारी दर्ता गराएकाछन् ।
अनेरास्ववियूले स्ववियू अध्यक्षमा सन्तोष दुलाल, सचिवमा रोशन भण्डारी, कोषाध्यक्षमा दिपना बराल, सदस्यहरुमा गंगा प्रसाई, रोशन काफ्ले, शोभित ओझा, तनुजा दुलाल, हरी मगर, नेत्र भण्डारी र महेश भट्टराईलाइ उम्मेदवार बनाएको छ ।
माओवादी केन्द्र निकट अखिल क्रान्तिकारीले आफनो प्यानलबाट कुल बहादुर बस्नेत रबिलाई अध्यक्षको रुपमा उम्मेदवारी दर्ता गराएको छ । सचिवमा रमिला पौडेल, कोषाध्यक्षमा बिजय खाँतीछन् । सदस्यहरुमा आनन्द कार्काी, धन बहादुर पाण्डे, धमेन्द्र कार्की, बिकास न्यौपाने, बिशेष मुकारुङ राई, लक्ष्मी नेपाल, सम्झना थापालाई अघि सारेको छ ।
दमक क्याम्पसमा १३ सय ५३ जना मतदाता बिद्यार्थी रहेका छन । उनीहरुले स्ववियूमा प्रत्यक्ष चुनावबाट १० जनालाई निर्वाचित गर्नेछन । समानुपातिक मतबाट थप ७ जना चयन हुने छ । स्ववियू चुनाव यही फागुन १८ गते तय गरिएको छ ।