नख्खुस्थित एनसेल कार्यालयको गेट अगाडि विष्फोट

काठमाडौं– भैंसेपाटीको नख्खुस्थित एनसेल कार्यालयको गेट अगाडि विष्फोट हुँदा ३ जना घाइते भएका छन्।

घाइते हुनेमा आरुसा मानन्धर, प्रतीक्षा खड्का र सिंह प्रसाद गुरुङ रहेको डिएसपी अपिल बोहराले नेपाल लाइभलाई जानकारी दिए।

घाइतेहरूको मेडिसिटी, बि एन्ड बि र अल्का अस्पतालमा उपचार भइरहेको छ।

त्यसैगरी काठमाडौंको कमलपोखरीमा पनि बम फेला परेको प्रहरीले जनाएको छ।

घटना कसरी भयो भन्ने थप अनुसन्धान भइरहेको प्रहरीको भनाइ छ।