आजको मौसम यस्तो हुने जल तथा मौसम पूर्वानुमान महाशाखाको अनुमान

काठमाण्डौ – सोमबार देशका विभिन्न भूभागमा आंशिकदेखि सामान्य बदलीको सम्भावना रहेको जल तथा मौसम पूर्वानुमान महाशाखाले जनाएको छ ।

मध्य र पूर्वी पहाडी भूभागका केही ठाउँमा सोमबार मेघगर्जनसहित पानी पर्ने मौसमविद् गंगा नगरकोटीले बताउनुभयो । यस्तै, उच्च पहाडी तथा हिमाली क्षेत्रमा हल्का हिमपात हुने पनि उहाँको अनुमान छ ।

सोमबार काठमाण्डौ उपत्यकामा मौसम आंशिक बदली भएको छ । पश्चिमी वायु सक्रिय भएकाले मंगलबार देशका धेरै भूभागमा र बुधबार देशभर नै पानी पर्ने सम्भावना रहेको मौसमविद् नगरकोटीले बताउनुभयो ।

अघिल्लो वर्षको तुलनामा यो वर्ष हिउँदमा वर्षा र हिमपात बढी भएको महाशाखाले जनाएको छ ।