काठमाण्डु, १३ फागुन – नेपालका लागि अमेरिकाका राजदूत रेन्डी बेरीले केही दिनअघि बम बिस्फोटमा एक जनाको मृत्यु हुनुका साथै अन्य केही घाइते भएको घटनालाई आपराधिक गतिविधि भन्दै आलोचना गरेका छन् । उनले केही बेरअघि ट्विट गर्दै त्यो विरोध मात्रै नभई आपराधिक हिंसा भएको जनाएका छन् ।
राजदूत बेरीले यस्ता गतिविधिलाई लोकतान्त्रिक नेपालमा स्थान नहुने समेत जनाएका छन् । अमेरिकी राजदूतले अविवेकी आक्रमणमा परेर मृत्यु हुनेका परिवारको साथमा आफू भएको जनाउँदै घाइतेहरुको शिघ्र र पूर्ण स्वास्थ्य लाभको कामना समेत गरेका छन् ।
