काठमाडौं । गृहमन्त्री रामबहादुर थापाले शहीदले देखाएको बाटोबाटै अघि बढने प्रतिवद्धता व्यक्त गर्नुभएको छ ।मंगलबार काठमाडौंमा जनयुद्धका प्रथम शहीद दिलबहादुर रम्तेलको स्मृतिमा आयोजित एक कार्यक्रममा बोल्दै उहाँले शहीदले देखाएको बाटोबाटै समाजवाद निर्माणको आधार तय गर्दै अघि बढने संकल्प पनि गर्नु भयो ।

‘शहीदको बलिदानीपूर्ण संघर्षबाट मुलुकमा संघीय लोकतान्त्रिक गणतन्त्र स्थापना सफल भएको हो ।’ नेपाल कम्युनिष्ट पार्टी (नेकपा)का सचिवालय सदस्यसमेत रहनुभएका गृहमन्त्री थापाले भन्नुभयो, शहीदले देखाएको बाटोबाटै मुलुकलाई समृद्ध बनाउने दिशामा अघि बढ्नुपर्छ ।’ शहीदको सपना, त्याग र बलिदानबाटै मुलुकमा राजनीतिक तथा सांस्कृतिक परिवर्तन सम्भव भएको उल्लेख गर्दै गृहमन्त्री थापाले अव मुलुक समृद्धिको नयाँ युगमा प्रवेश गरेको पनि बताउनु भयो । उहाँले मुलुकको समृद्धिका लागि राष्ट्रिय एकतालाई झनै सुदृढ बनाउँदै अघि बढनुपर्नेमा पनि जोड दिनुभयो । गृहमन्त्री थापाले नेपालको सामाजिक तथा राजनीतिक परिवर्तनमा उत्पीडित समूदायले पु¥याएको योगदानको पनि खुलेर प्रशंशा गर्नु भयो । जनता समचार बाट