लखनपुरमा एकलाख पूरुस्कार राशिको फूटवल प्रतियोगिता

दमक/ आउदो चैत्रको तेश्रो सातादेखि झापाको लखनपुरस्थित आदिवासी रङशालामा जिल्लास्तरिय फूटबल प्रतियोगिता हुने भएको छ । स्थानीय नन्द–चन्द्रकुमारी आङदेम्बे स्मृति प्रतिष्ठानको आयोजनामा चैत्र २० गतेदेखि ३० गतेसम्म प्रतियोगिता हुने भएको हो । प्रतिष्ठानले सोमबार दमकमा पत्रकार सम्मेलन गरि प्रतियोगिताको तयारीका बारेमा जानकारी दिएको हो । प्रतिष्ठानका अध्यक्ष गणेश आङदेम्बेले लखनपुरकै ठुलो धनराशीको उक्त प्रतियोगिता समपन्न गर्न आवश्यक तयारी भईरहेको जानकारी दिए । प्रतियोगिताका विजेता टिमले नगद १ लाख ,उपविजेताले नगद ५० हजार , ट्रफि तथा प्रमाणपत्र प्रदान गरिने अध्यक्ष आङदेम्बेले बताए । उनले प्रतियोगिता भव्यताका साथ सम्पन्न आन्तरिक रुपमा प्रचारप्रसार, आर्थिक उपसमिति गठन गरि काम थालिएको बताए । प्रतिष्ठानका सचिव विष्णु सुब्बाले प्रतिष्ठानले आफनो अक्षयकोष स्थापना गर्न सहयोग जुटाउन तथा मोफसलको फूटबल खेललाई प्रोत्साहित गर्ने मुख्य उद्देश्यले सो प्रतियोगिता आयोजना गर्न लागिएको जनाए । प्रतियोगितामा जिल्लाका १६ वटा विभिन्न फूटबल क्लवहरुको सहभागिता रहने जनाईएको छ ।