दमक/ लायन्स क्लव अफ दमक इस्टर्न लाइन, गोल्ड र श्रीअन्तुले यस बर्ष अन्तराष्ट्रिय महिला दिवसको सन्दर्भ पारेर बिभिन्न रचानत्मक कामहरु गरेको छ ।
स्वास्थ्य शिबिर, पाठेघर र स्तन क्यान्सरको प्रारम्भिक जाँच, केहि बिपन्न नागरिकहरुलाइ खाद्यन्न तथा कपडा बितरण, सेनेटरी प्याड बितरण लगायतका कार्यक्रमहरु गरेको क्लवका अध्यक्ष बिमल शर्माले बताएकाछन् ।
झापा र इलामको सिमा शिखरकटेरीमा भएको कार्यक्रममा उल्लेख्यमात्रामा महिलाहरुको सहभागिता रहेको कार्यक्रमका संयोजक गंगादेव चौधरीले बताए ।
उनका अनुसार सो अवसरमा दन्त शिविर समेत आयोजना गरिएको थियो ।
डा. सन्दिप शाह, डा. सीता राइ लगायतले महिलाहरुको स्वास्थ्य परिक्षण गरेको जनाईएको छ ।
गाँउमा स्वास्थ्य शिबिर पुगेपछि स्थानीय महिलाहरु धेरै खुसि भएको लायन्स क्लव अफ दमक गोल्डका अध्यक्ष काँशी खातीले बताए ।
आगामि दिनमा पनि यस किसिमका कार्यक्रमहरुलाइ निरन्तरता दिने उनले जनाए ।
