चाम्लिङले भने—अब हामी दमक कब्जा गर्छौ भिडियो हेर्नुहोस

दमक/राप्रपा नव निर्वाचित केन्द्रिय सदस्य प्रविण चाम्लिङले अब आफूहरुले दमक पुरै कब्जा गर्ने बताएकाछन् । यसैसाता राजधानीमा सम्पन्न भएको राप्रपाको एकता अधिवेसनबाट केन्द्रिय सदस्यमा निर्वाचित भएर झापाको दमकमा आएका चाम्लिङले सवाल नेपालसंगको कुराकानीमा भने–‘स्थानीय तहको निर्वाचनमा हामी दमकलाइ पुरै कब्जा गर्ने छौ ।’ मेयर सहित अधिकाँश वडाहरुमा आफूहरुले जितेर कब्जा गर्ने उनको भनाइ रहेको थियो । चाम्लिङले राजतन्त्रको बिषयमा जनमतसंग्रहबाट टुँगो लगाउने र हिन्दु राज्य भने आवश्यक रहेको आफूहरुको पार्टीको लाइन भएको बताए । आफूहरुको एकता अधिवेसनले स्थापित गरेका मूल्य र मान्यता बुझाउनका लागि आफूहरु जनताको घरदैलोमा जाने र स्थानीय तहको निर्वाचनमा होमिने समेत उनले जानकारी दिए । चाम्लिङ राप्रपा र राप्रपा नेपाल एकिकरण अघि राप्रपाका दमक नगर अध्यक्ष रहेका थिए । केहि समय अघि उनि केन्द्रिय सदस्यमा मनोनित भएपनि अहिले निर्वाचित केन्द्रिय सदस्य बनेका हुन् ।