द्यमक । भद्रपुर नगरपालिकाले दक्षिण कोरियाको गेङवोन प्रदेशको ‘एन्जे काउण्टी’ संग भगिनी सम्बन्ध बिस्तार गर्ने भएको छ । काउण्टी कृषि प्रविधि केन्द्रका आधिकारिक प्रतिनिधि मेयाड्ड हो–छो संग शुक्रबार भद्रपुर नगरपालिकामा यस बिषयमा छलफल भएको भद्रपुर नगरपालिकाका प्रमुख जीवनकुमार श्रेष्ठले बताउनु भयो ।
संघीय सरकारसंग अनुमति लिएर भगिनी सम्बन्ध अघि बढाउने बिषयमा छलफल भएको र यो प्रक्रिया तत्कालै अघि बढाउन पहल गरिने पनि श्रेष्ठले बताउनु भयो । पुर्व सामान्य प्रशासन राज्यमन्त्री जीतु गौतम, भाषा बिज्ञ श्रीप्रसाद लिम्बु लगायत छलफलमा सहभागि रहनु भएको जनाईएको छ ।
भगिनी सम्बन्ध बिस्तार गरेर यहाँबाट मौसमि कृषि मजदुर लैजान सकिने सम्भावाना धेरै रहेको जनाउदै यसमा दक्षिण कोरियाको एन्जे काउण्टी सकारत्मक रहेको मेयाड्ड हो–छोले बताएको पनि नगरप्रमुख श्रेष्ठले बताउनु भयो । कृषि कामदारहरु लैजानका लागि आफुहरु तयार रहेको उहाँले जानकारी गराउनु भएको छ, श्रेष्ठले भन्नुभयो ।
नगरपालिकाको तर्फबाट संघीय सरकारसंग अनुमति लिएर आवश्यक प्रक्रिया पुर्याएर आफुहरु भगिनी सम्बन्ध राख्न तयार रहेको जानकारी सहितको पत्र सो अवसरमा हस्ताण्तरण गरिएको पनि नगरप्रमुख श्रेष्ठले जानकारी दिनु भएको छ । भगिनी सम्बन्ध बिस्तारका लागि हामी दुबैपक्ष सम्पर्कमा रहने सहमति र समझदारी बनेको छ, उहाँले भन्नुभयो ।
