नेपालको पहिलो भू-उपग्रह अमेरिकाबाट प्रक्षेपण

नेपालकोे पहिलो पटक आफ्नै भूउपग्रह प्रक्षेपण भएको छ। अमेरिकी अन्तरिक्ष निकाय नासाका अनुसार बिहीबार बिहान भूउपग्रह प्रक्षेपण भएको हो।

नेपाली समय अनुसार बिहीवार बिहान २ः३५ बजे भर्जिनिया राज्यको तटस्थित प्रक्षेपण केन्द्रबाट अन्तर्राष्ट्रिय अन्तरिक्ष केन्द्र (आईएसएस) मा प्रक्षेपण गरिएको हो।

जापान, नेपाल र श्रीलङ्काको भूउपग्रह अमेरिकाबाट एकैसाथ प्रक्षेपण गरिएको छ।नेपाली भूउपग्रहको नाम ‘नेपाली क्यूबसेट स्याट–१’, श्रीलङ्काको ‘रावण–१’ र जापानको ‘यु–बिसु’ राखिएको छ।

भूउपग्रहले देशका विभिन्न स्थानका तस्वीर सङ्कलन तथा अभिलेखीकरण गर्नाका साथै यहाँको हिमाल, पहाड, तराई वन, पाखा, हिमनदीका बारेमा सूचना र जानकारी प्रवाह गर्नेछ।