शिक्षिकाहरुलाई यस्तो ठुलो सुबिधा

इलाम– इलामको माई नगरपालिकाले आफ्नो क्षेत्रका विद्यालयमा अध्यापनरत शिक्षिकालाई दुई वर्ष सुत्केरी बिदा दिने भएको छ ।

सरकारले सुत्केरी कर्मचारीलाई दुई महिना सुत्केरी बिदा दिँदै आए पनि नगरपालिकाले भने बच्चा हुर्काउन सहज होस् भनेर दुई वर्ष बिदा दिने निर्णय गरेको हो ।

नगरपालिकाले शिक्षासम्बन्धी कार्य विधि बनाउँदै सुत्केरी बिदा दुई वर्ष दिने व्यवस्था गरेको हो ।

नजिकैको इलाम नगरपालिकाले भने सुत्केरी बिदा तीन महिना दिने व्यवस्था गरेको छ ।

गत २८ भदौमा पारित भएको माई नगरपालिकाको शिक्षासम्बन्धी कार्यविधिमा यस्तो व्यवस्था गरिएको हो । फरकधार बाट