दमकमा काँग्रेसका युवाहरु भारतीय ज्यादति बिरुद्ध सडकमा

झापाको दमकमा नेबि संघ र तरुण दलको अगुवाइमा भारतीयको हस्तक्षेप बिरुद्ध र्याली तथा कोणसभा गरेर बिरोध जनाईएको छ । कञ्चनपुरमा नेपाली युवाको गोली ठोकेर हत्या गरिएको बिरोधमा आफूहरु सडकमा उत्रेको नेपाली काँग्रेस दमक नगर समिति सहसचिब दीपेश दाहालले बताए । उनका अनुसार साँसद महेन्द्रकुमारी सुब्बा, क्षेत्रिय अध्यक्ष ढुण्डिराज भण्डारी, नेपाली काँग्रेस लखनपुरका सभापति राजु न्यौपाने, तरुण दलका नेता गोकुल श्रेष्ठ,तरुण दल दमक अध्यक्ष सुरेन देवान, नेबि संघ झापा जिल्ला सदस्य मनोज खतिवडा गान्धिलगायतको सहभागिता रहेको थियो ।