दमक÷ दमकका एक सामान्य होटल ब्यवसाय गर्दै आएका काजी राउतले नेपाल भारत सिमामा पर्खाल बनाउन सरकारलाइ ५० हजार सहयोग गर्ने बताएकाछन् । नेपाल भारत सिमामा पर्खाल बनाउन जनताको लगानी अभियान चलाउन आग्रह गर्दै सरकारले यसरी आग्रह गरेमा ५० हजार आफू दिने फेसबुकबाट घोषणा गरेकाहुन् । दमकको साविक वडा नंं ११ मा एउटा साना नास्ता र चिया पसल अर्थात तेह्थुमे होटल चलाएर पारिवारिक गुजारा चलाउदै आएका राउतले ठूलै राजनीति गछू भन्ने नेताहरुलाइ चुनौती दिदै यस्तो बताउनु स्वभिमानको एउटा गतिलो उदाहरण पनि हो । उनले फेसबुक स्टाटसमा ३ करोड नेपालीले यो अभियानमा सहभागि गराउन आह्वन गर्नका लागि आग्रह पनि गरेकाछन् । बैक खाता खोलेर सरकारलाइ अघि बढ्न सुझाव दिएका राउतले भनेकाछन्–बोरु एक छाक खान तयार छु सरकारले यो अभियान बढाए म ५० हजार अभियान शुरु भएकै दिन दिन्छु । उनको यो स्वभिमानी घोषणासंगै उनलाइ फेसबुकमा समर्थन जनाएर आफू पनि रकम दिन तयार हुनेहरु थुप्रै भएकाछन् । राउत दमकमा होटल ब्यवसाय गरेपछि युवाहरुमाझ लोकप्रीयछन् । उनको चियापसलमा पत्रकार, साहित्यकारदेखि लिएर राजनीतिज्ञसम्म आएर बस्ने, चियानाँस्ता खाना र बहस गर्ने गर्छन् ।