भारतीय सीमा सुरक्षा बल एसएसबीको गाली लागेर मृत्यु भएका कञ्चनपुरका गोविन्द गौतमको शवयात्रा निकालिएको छ । शवयात्रामा सयौँ मानिस सहभागी भएका छन् । कञ्चनपुरको पुनर्वासा नगरपालिका हुँदै कञ्चनपुरको दोधा नदीको किनारामा गोतमको राष्ट्रिय सम्मानका साथ अन्त्यष्टि हुने छ ।
सेती अञ्चल अस्पताल धनगढीबाट सुरु भएको शवयात्रा धनगढीका विभिन्न चोक हुँदै कञ्चनपुरको पुर्नवासा पुग्नेछ ।पुनर्वासा नगरपालिकाको आइबीआरडीमा अन्तिम श्रद्धाञ्जली दिएसँगै उनको दोदा नदी किनारामा ११ तोपको सलामीसहित अन्त्येष्टि गरिने छ । उनको शव राखिएको गाडीलाई सजाइएको छ र राष्ट्रिय झन्डा राखिएको छ । शवयात्रामा सहभागीहरुले गोविन्द गौतम अमर रहून् भन्ने नारा लगाएका छन् । उनीहरूले भारतीय हेपाहा प्रवृतिको विरुद्ध चर्को नाराबाजी गरिरहेका छन् । शवयात्रालाई मर्यादित र शान्तिपूर्ण बनाउन धनगढी आसपास,डोके बजार र धनगढी(पुनर्वास मार्गमा ठुलो सङ्ख्यामा सुरक्षाकर्मिहरु परिचालन गरिएको छ ।
गत बिहीबार सीमा सुरक्षा बल एसएसबीले चलाएको गोली लागेर उनको मृत्यु भएको थियो । उनको मृत्यु भएसँगै उनलाई शहील घोषित गर्न र राष्ट्रिय सम्मान दिन माग भएको थियो । सरकारले उनलाई शहील घोषणा गरेको छ ।
