वि.सं. २०७६ साल वैशाख २८ गते,शनिबार,इश्वी सन् २०१९ मे ११ तारिख, शकसंवत् १९४१, परिधावी संवत्सर,उत्तरायण, वसन्त ऋतु,नेपाल संवत् ११३९ बछलाथ्व,वैशाख शुक्लपक्ष,तिथि– सप्तमी, १९:१५ बजेउप्रान्त अष्टमी, नक्षत्र– तिष्य, १३:०६ बजेउप्रान्त अश्लेषा, योग– गण्ड, १४:०२ बजेउप्रान्त वृद्धि,करण– गर, ८:२५ बजेदेखि वणिज, १९:१५ बजेउप्रान्त भद्रा, आनन्दादिमा मित्र योग,चन्द्रराशि– कर्कट,सूर्योदय– ५:२० बजे, सूर्यास्त– १८:४२ बजे र दिनमान ३३ घडी २६ पला। गंगोत्पत्ति, गंगा सप्तमी।
मेष (चु, चे, चो, ला, लि, लु, ले, लो, अ)–
परदेशमा बसोबास गर्नेहरूले आफ्नो कमाइको केही अंश खानपीन र मनोरञ्जनका क्षेत्रमा खर्च गर्नेछन्,आजको शुभ अंक ६ रहेको छ।
वृष(इ, उ, ए, ओ, बा, बि, बु, बे, बो)–
पारिवारिक सुख मिल्नेछ, मातापिता वा अभिभावकवर्गबाट आवश्यक सहयोग र सल्लाह प्राप्त हुनेछ,आजको शुभ अंक १० रहेको छ।
मिथुन(का, कि,कु, घ, ङ , छ, के, को, ह)–
कुनै आम्दानीको नयाँ स्रोत देखा पर्नेछ,घरायसी सुखसुविधा र मायाप्रेमका लागि समय दिनुपर्ने छ,आजको शुभ अंक ३ रहेको छ।
कर्कट (हि, हु, हे, हो, डा, डि, डु, डे, डो)–
कामप्रति लगनशीलता बढ्ने छ,दैनिक कामकाजको चाप बढ्न सक्छ,शत्रुहरू पराजित हुनेछन् ,आजको शुभ अंक ८ रहेको छ।
सिंह(मा, मि, मु, मे, मो, टा, टि, टु, टे)–
साँझदेखि प्रतिकूल समय सुरु हुनसक्छ,आर्थिक समस्याले सङ्कट उत्पन्न गर्न सक्छ,आजको शुभ अंक १२ रहेको छ।
कन्या(टो, प, पि, पु, ष, ण, ठ, पे, पो)–
दिनभरि लाभमूलक परिणाम प्राप्त भएपनि दिउँसोका तुलनामा बिहान राम्रो छ,आजको शुभ अंक ९ रहेको छ।
तुला (र, रि, रु, रे, रो, ता, ति, तु, ते)–
स्वास्थ्यमा सामान्य कमजोरी भएको अनुभूति हुनेछ,यद्यपि घरपरिवारबाट सहयोग प्राप्त हुने नैै छ,आजको शुभ अंक ७ रहेको छ।
वृश्चिक (तो,व ना, नि, नु, ने, नो, या, यि, यु)–
बेलुका झिनामसिना घरायसी समस्याहरू देखापर्न सक्छन्,जीवनसाथीसित ठाकठुक पर्ने सम्भावना छ,आजको शुभ अंक ९ रहेको छ।
धनु (ये, यो, भ, भि, भु, ध, फा, ढ, भे)–
धार्मिक क्षेत्रमा लगानी गरेमा राम्रो प्रतिफल पाइने छ, बौद्धिक र प्राज्ञिक क्षमतामा ह्रास आउनेछ,आजको शुभ अंक ११ रहेको छ।
मकर (भो, ज, जि, खि, खु, खे, खो, गा, गि)–
व्यवसायमा संलग्नहरूका लागि लाभ लिन सकिने छ,सामाजिक र पारिवारिक सम्बन्ध सुदृढ हुनेछ,आजको शुभ अंक १ रहेको छ।
कुम्भ (गु, गे, गो, सा, सि, सु, से, सो, द)–
काममा सफलता र साख पाइने छ,चिन्तनमूलक र बौद्धिक काममा समय निकाल्न सकिंदैन,आजको शुभ अंक ८ रहेको छ।
मीन (दि, दु, थ, झ, ञ, दे, दो, च,चि)–
साथीभाइ र घरपरिवारबाट सोचेको सहयोग प्राप्त हुँदैन,सुरुमा स्फूर्ति र उमङ्गको कमी हुनेछ ,आजको शुभ अंक ५ रहेको छ।
दिब्य ज्योतिष बाट साभार
