आजको मौसम कस्तो रहन्छ ? यस्तो आयो खबर

काठमाडौं । मौसम पूर्वानुमान महाशाखाले बिहीबार सचेत रहन आग्रह गरेको छ । महाशाखाले देशका अधिकांश भू–भागमा आंशिक बदली रही केही स्थानहरुमा मेघगर्जन, हावाहुरीसहित वर्षाको सम्भावना रहेको जनाएको छ ।

महाशाखाले अपरान्हपछि हावाहुरीसहितको वर्षा हुने बताएको हो । देशका अधिकांश भूभागमा आंशिक बदलि रहेता पनि देशका पश्चिमी र मध्य भूभागमा आशिंकदेखि सामान्य बदली हुने सम्भावना रहेको छ।

साथै देशका पूर्वी भूभागका पहाडी क्षेत्रमा पनि आशिंकदेखि सामान्य बदली हुने सम्भावना रहेको महाशाखाले जनाएको छ ।

रातिको समयमा देशका अधिकांश भू–भागमा आंशिकदेखि सामान्य बदली रही केही स्थानहरुमा मेघगर्जन, हावाहुरीसहित वर्षाको सम्भावना छ ।