प्युठान । जिप दुर्घटनामा ज्यान गुमाउने ६ मृतकको परिचय खुलेको छ । स्वर्गद्वारी नगरपालिका–४ स्थित रुमालेमा भएको दुर्घटनामा ज्यान गुमाउनेमा ललितपुर–१४ का एकै परिवारका दिनेशध्वज बस्नेत, पद्मा बस्नेत, दीक्षा बस्नेत र डिहा बस्नेत छन् । यस्तै, ललितपुर–१४ कै श्रृष्टि बराल र सुनिता श्रेष्ठको पनि ज्यान गएको प्रहरीले जनाएको छ । शुक्रबार बिहान बा ८ च १५६१ नम्बरको जिप दुर्घटनामा ६ जनाको घटनास्थलमै ज्यान गएको थियो भने अन्य तीन घाइते भएका थिए । घाइते हुनेमा चालक सरोज घले, सुशीला बराल र अम्बिका गजुरेल छन् । घाइतेहरुलाई भिगृ प्राथमिक स्वास्थ्य केन्द्रमा प्राथमिक उपचारपछि थप उपचारका लागि बुटवल पठाइएको छ ।