झापा । गौरादह नगरपालिका–४ मा टिपर ठक्करबाट एकजना बालकको मृत्यु भएको छ ।
ठक्करबाट तरहरा सुनसरीका १० वर्षीय ओमराज गिरीको घटनास्थलमै मृत्यु भएको हो ।
विज्ञापन (ADVERTISEMENT)
बालक दुई वर्षयता गौरादह–४ का भक्तबहादुर कार्कीको घरमा बस्दै आएका थिए ।
पाडाजुँगी–गौरीगञ्ज भित्री सडकखण्डमा पाडाजुँगीबाट गौरीगञ्जतर्फ जाँदै गरेको मे १ ख २७०४ नम्बरको ट्रिपरले पैदल हिँडिरहेका बालकलाई भेट्वाल चौकमा ठक्कर दिएको जिल्ला ट्राफिक प्रहरी कार्यालय झापाका प्रमुख प्रहरी निरीक्षक होम अधिकारीले जानकारी दिए ।
ठक्कर दिने ट्रिपर र त्यसका चालकलाई इलाका प्रहरी कार्यालय गौरीगञ्जले नियन्त्रणमा लिएको छ ।
