काठमाडौं । नेपालका लागि भारतीय राजदूत मनजीभ सिंह पुरीले राजनीतिक भेटघाटलाई सुरु गरेका छन् । अाइतबार राष्ट्रपति विद्यादेवी भण्डारीसामू अाफ्नो ओहदाको प्रमाणपत्र बुझाएका राजदूत पुरीले सोमबार एमाले अध्यक्ष केपी शर्मा ओलीसँग भेट गरेका छन् । उनको पहिलो शिर्ष भेट हो । सिंहदरबारस्थित एमाले संसदीय दलको कार्यालयमा भएको भेटवार्तामा नेपाल-भारतको आपसी हितका विषयमा कुरा भएको अध्यक्ष ओलीका प्रेस सल्लाहकार प्रमोद दाहालले जानकारी दिए । भेटमा दुई देशबीचको ऐतिहासिक सम्बन्धको निरन्तरता र आपसी हितका कुरा भएको एमालेका प्रमुख सचेतक भानुभक्त ढकालले जानकारी दिनुभयो । अध्यक्ष ओलीले नेपाली जनताको लोकतान्त्रिक सङ्घर्षबाट प्राप्त संविधानसभाबाट जारी संविधान कार्यान्वयन र जनतालाई अधिकार दिलाउन आफूहरु लागिपरेको बताउनुभएको थियो ।