काठमाडौं । अछामकाे चौरपाटी गाउँपालिका–३ शोकटस्थित मुली कोलगैरामा ट्याक्टर दुर्घटना हुँदा तीन विद्यार्थीको मृत्यु भएको छ । से१त ७८३९ नम्बरको ट्याक्टर बुधबार बिहानै दुर्घटना हुँदा तीनको मृत्यु र चार घाइते भएका हुन् ।
मृत्यु हुने चौरपाटी गाउँपालिका–२ का स्थानीय दशपल्ले माविबाट यस वर्ष एसइई परीक्षा दिएका रमेश साउद, सोही माविमा कक्षा ९ मा अध्ययनरत लक्ष्मी साउद र कक्षा ८ मा अध्ययनरत काली साउद रहेको चौरपाटी गाउँपालिकाका अध्यक्ष हर्कबहादुर साउदले जानकारी दिनुभयो ।
ट्र्याक्टर चालकले भने हामफालेर ज्यान जोगाएका छन् । अन्य चार घाइतेलाई उपचारका लागि अस्पताल पठाइएको छ । घटनाको विस्तृत विवरण भने आउन बाँकी रहेको जिल्ला प्रहरी कार्यालय अछामका कार्यालय प्रमुख प्रहरी नायब उपरीक्षक जनकबहादुर शाहीले जानकारी दिनुभयो ।
गाडी साहुकै एक छोरा र छोरीसहित तीन जनाकाे मृत्यु भएकाे छ ।
